சூர்யா : போதும் நிறுத்திக்கொள்ளுங்க PLEASE..!!!

வாசகர்கள் தெரிந்து கொள்ள வேண்டியது :- இந்த பதிப்பு முற்றும் முழுதாக என் கருத்துக்களை கொண்டு எழுதப்படவில்லை. சக பதிவர் "சஜிரதன்" அவர்களின் கருத்துக்களை தழுவியதாக எழுதப்பட்டது என்பதை நீங்கள் பதிப்பை வாசிக்க தொடங்கு முன் கூறிக்கொள்ள விரும்புகின்றேன்.

சூர்யாவின் சினி அத்தியாயமே மற்ற நடிகர்கள் குறிப்பாக அஜித் வேண்டாம் என்று கைவிட்ட படங்களால்தான் நிரப்பப்பட்டதென்பது எல்லோருக்குமே தெரிந்த விடயம்... அதை குறை சொல்லவும் முடியாது. வேண்டாம் என்று கைவிட்ட படங்களை எடுத்து நடிப்பது தப்பில்லை.. ஆனால், ஒரு நடிகனுக்கு புக் ஆகி அவரும் நடிக்க சம்மதிக்கும்போது இடையில புகுந்து ஆட்டையைப்போடுறதென்பது மகாகொடுமையான விடயம்....... இந்த விடயத்தில் சூர்யா இருக்கிறாரே ரெம்ப கில்லாடி..... அதுக்குமுதல் சின்னதா ஒரு அறிமுகத்தை சூர்யாவுக்கு வழங்கி விட்டு விடயத்துக்கு போவோம்.....

1997 இல் நேருக்குநேர் என்ற படத்தின்மூலம் அறிமுகமானவர்தான் இந்த சூர்யா... அதுசரி, எப்படி அவருக்கு இந்த வாய்ப்பு கிடைத்தது என்று தெரியுமா?? இந்த படத்தில் ஆரம்பத்தில் வசந்த் இயக்கத்தில் அஜித்-விஜய் ஆகிய இருவரும்தான் இணைந்து நடிக்கவிருந்தார்கள்.. அதனால் கதையமைப்பு கிட்டத்தட்ட சரிசமனாகவே உருவாக்கப்பட்டது.அஜித்துக்கு சிம்ரனும்,விஜய்க்கு கௌசல்யாவும் ஒப்பந்தம் செய்யப்பட்டனர்.. இதில் இருநடிகைக்களுமே அந்த காலத்தில் தமிழுக்கு பெரிதாக பிரபல்யம் இல்லாவிடினும் சிம்ரன் ஓரளவுக்கு கௌசல்யாவைவிட பிரபல்யமானவர் என்றே சொல்லணும்... சரி, இவ்வாறே திட்டமிட்டு தொடங்கப்பட்ட படப்பிடிப்பில் ஒருவாரத்துக்கு பிறகு அஜித் அதிலிருந்து விலக, அந்த இடத்தை நிரப்பியவரே சரவணன் என்ற இப்போதைய சூர்யா....

அப்பொழுது பூவே உனக்காக, லவ்டுடே என்ற இரு ஹிட்களை கொடுத்த விஜய் தனக்கு ஈகுவலா சூர்யா நடிப்பதை மறுத்திருக்கலாம்.. ஆனால், நண்பராச்சே! என்பதுக்காக மறுக்கவில்லை.... அது மட்டுமல்ல, இந்த பட பாடல்கள் வெளியாகியபோது சூர்யாவுக்கு உருவான "அவள் வருவாளா", "மனம் விரும்புதே" என்ற இரண்டு பாடல்களும் பயங்கர ஹிட் ஆகின.. ஏன் இப்பவும் இந்த இரண்டு பாடல்களும் நிறையப்பேரின் உதடுகள் உச்சரித்துக்கொண்டுதான் இருக்கின்றது.. மறுபக்கம் விஜய்க்குரிய பாடல்கள் பெரிதாக ஹிட் ஆகவில்லை... இதனால் இன்றும் சிலர் நேருக்குநேர் சூர்யாவின் படம்போலவே கருதுவார்கள்.. அதற்க்குப்பிறகு 2001 இல் மீண்டும் விஜய்-சூர்யா கூட்டணி "பிரண்ட்ஸ்" படத்தில் ஒன்று சேர்ந்தது... அப்பொழுதுகூட சினிமாவில் சூர்யா பெரிதாக ஒன்றுமே சாதிக்கவில்லை.. இருந்தாலும் கிட்டத்தட்ட அரைக்கரைவாசி முக்கியத்துவம் சூர்யாவுக்கு வழங்கப்பட்டது... உண்மையை சொல்லப்போனால் சூர்யாவை சினிவாழ்வுக்கு அத்திவாரமிட்டதே விஜய்தான்.. (உண்மைகளை சொல்லித்தான் ஆகவேண்டும் உண்மை சில சமையங்களில் கசக்கத்தான் செய்யும்..)

ஆனால் இப்ப சூர்யாவுக்கு என்ன நடந்ததோ தெரியவில்லை விஜயை பரம எதிரியாயே பார்க்கிறார், விஜயின் ஒவ்வொரு நகர்வுக்கும் செக் வைக்கிறார்... இன்று பெரும்பாலான விஜய் ரசிகர்கள் அஜித்தை காட்டினும் சூர்யாவின்மேல் எரிச்சலாய் இருப்பது சமூகவலைத்தளங்களில் பார்க்கக்கூடியதாயுள்ளது... இது சிங்கம் படத்திலிருந்தே ஆரம்பமானாலும் விஜய் ஒப்பந்தமான நண்பன் படத்தை ஆட்டையைப்போட வெளிக்கிட்டதிலிருந்து பூதாகாரமாக வெடிக்க தொடங்கியது... அந்த சமயம் சங்கருக்கு விஜயை வைத்து எடுக்கத்தான் விருப்பம் இருந்தது, ஆனால் தயாரிப்பு தரப்புக்கு சூர்யாவை வைத்து எடுக்கவே விருப்பம் இருந்தது.. ஆனால், சூர்யா கேட்ட மலையளவு சம்பளத்தால் நிலைகுலைந்த படத்தரப்பு சூர்யாவை நிரந்தரமாகவே தூக்கி எறிந்தது.. நண்பன் படத்தில் விஜயை தூக்க முற்பட்டத்தில் அரசியல் காரணங்களும் இருந்தாதகவும் அப்போது மீடியாக்களில் பரபரப்பாக பேசப்பட்டது.. எது எப்பிடியோ அந்த பிரச்சனை ஓவர்...

அதுக்கப்புறம் விஜய் டீ.வியால் நடத்தப்படும் "நீங்களும் வெல்லலாம் ஒரு கோடி" நிகழ்ச்சிக்கும் முதலில் ஒப்பந்தமானவர் விஜய்தான்.. பிறகு உள்ளுக்குள் என்ன நடந்ததோ தெரியவில்லை அந்த நிகழ்ச்சி தொகுப்பு உரிமை சூர்யாவுக்கு கைமாறிட்டு.... உண்மையில் உள்ளுக்குள் என்னதான் நடந்துதோ..!! என்ன நடந்தது என்பதை ஆராய்வதை விட "நீங்களும் வெல்லாலாம் ஒரு கோடி" நிகழ்ச்சியில் என்ன என்ன நடக்கின்றது. எப்படி எல்லாம் எமாற்றுகின்றார்கள் என்று கொஞ்சம் பார்ப்போம்...

"நீங்களும் வெல்லலாம் ஒரு கோடி" நிகழ்ச்சியின் தொடக்க நாளில் இருந்து இன்று வரை :- முதல் நாள் ஷூட்டிங் சுதா ரகுநாதன் பாட்டு பாட, நடிகை ருக்மணி டான்ஸ் ஆட, மங்கள கரமாக (ஓஓ..இதைதான் ஆட்டமும் பாட்டமுமாக ஆரம்பிக்கின்றது என்று சொல்வார்கள் போல..!!!) தொடங்கினார்கள். சூர்யா வந்ததும் ஹாட் சீட், "மணி அண்ணே" (நேர காப்பாளர்), "கம்பியூட்டர்ஜி" போன்றோரை அறிமுக படுத்தினார். இது எல்லாம் ஒரு அறிமுகமா?? சொல்லியதையே திரும்ப திரும்ப சொல்லுவார்.

நிகழ்ச்சிக்கான செட், இடை வேளைக்கு செல்லும் போது வரும் மியூசிக், விதிகள் , கோட், "உங்களை நேரில் பார்த்ததே போதும்" என்று கலந்து கொள்வோர் சொல்லும் வார்த்தைகள் என அப்படியே கோடீஸ்வரனை உரித்து வைத்துள்ளது நிகழ்ச்சி. எது எப்படியோ "கோடீஸ்வரன்" நிகழ்ச்சியை அப்படியே விஜய் டி.வியில் செய்வது என்று முடிவு செய்த பிறகு COPY அடித்தால் என்ன?? சொந்தமாக செய்தால் என்ன?? கடைசியில் COPY பண்ணியது என்றுதானே பேர் வரப்போகின்றது!!! (ஆனால் இவ்வாறு சொல்லுக்கு சொல்லு "கோடீஸ்வரன்" நிகழ்ச்சியை COPY பண்ண வேண்டுமா??)

முதல் வாரம் கலந்து கொண்டோரில் பல வகை மனிதர்களும் இருந்தனர். குறிப்பாக சுனாமியை நேரில் பார்த்த பாதிக்க பட்ட ஒருவர்,  கிராமத்திலிருந்து வரும் பெண், 13 டிகிரி வாங்கிய நபர் (இவரால் பல முயற்சியிலும் ஹாட் சீட்டுக்கு வர முடியலை), சாப்ட்வேர் இஞ்சினியர் பெண், IAS aspirant ,  இரு குழந்தைகளுக்கு தாயான, சற்று வயதான பெண்  (இவருக்கு சூர்யா "வாரணம் ஆயிரம் ஸ்டைலில் " I love you "சொல்லணுமாம் அப்ப திருமணம் செய்த கணவன் என்ன சொல்லுறது???) இப்படி கலவையான மக்களாய் பார்த்து எடுத்திருக்காங்க. இது எல்லாம் ஒரு விளம்பரம்தான். கட்சிவரைக்கும் சூர்யாவும் நிகழ்ச்சி ஒழுங்கமைப்பாளர்களும் மக்களை சுரண்டுவது என்றே முடிவு செய்து விட்டார்கள்?? (ரொம்ப குஷ்டம் அப்பா..சீ சீ கஷ்டம் அப்பா!!!)

இவர்களில் ஒவ்வொருவராய் ஹாட் சீட் வந்து அவுட் ஆக, மீண்டும் "Fastest Finger " ஆடுகிறார்கள். நான்கு நாளில் ஆறு பேருக்கு வாய்ப்பு வர, மீகுதியாக இருக்கின்ற நான்கு பேருக்கும் 'வீட்டுக்கு போற வழி இதுதான் என்று சொல்லி' அனுப்பி விடுவார்கள். இனி அடுத்த வாரம் புதிதாய் வேறு பத்து பேர் வருவார்கள். எனக்கு இந்த நிகழ்ச்சியை பார்க்கும் போது "கோவை பிரதர்ஸ்" படத்தில் வடிவேலுவும் சத்தியராஜ்யும் கிரிகெட் விளையாட ஆட்கள் சேர்கின்ற காட்சிதான் நியாபகத்துக்கு வரும். நல்லா கூட்டுராங்கையா கூட்டம்..!!

தொடக்கத்தில் அனைவரையும் சூர்யா அறிமுகப்படுத்தும் போது அனைவரையும் பற்றிய குறிப்பையும் பார்க்காமல் பேசுகிறார். "எப்படி இப்படி எல்லாம் நியாபகமாக கதைக்கின்றார்?" என்று நீங்கள் வியக்கின்றீர்களா?? இது அவ்வளோ பெரிய வேலை இல்லை பார்த்து வாசிக்க தெரிந்தால் இந்த வேலையை சுலபமாக செய்யலாம். அநேகமாய் எதிரில் ஸ்கிரீனில் அவர் பேச வேண்டியது ஓடும் அதை பார்த்து தான் வாசிக்கின்றார். ஏமாறுபவர்கள் இருக்கும் மட்டும் ஏமாற்றுபவர்கள் இருக்கத்தான் செய்கின்றனர். தில்லு முள்ளு கொஞ்சம் சொல்லுறேன் கேளுங்க!! ஹாட் சீட்டில் கேள்வி ஆரம்பிக்கும் போது "நல்ல ஆரம்பம் ஆக இருக்கட்டும்" என சூர்யா சொல்வார். அதை கூட பார்த்துதான் சொல்வார் என்றால் நம்புவீர்களா?? அவர் சொல்லுவதற்க்கு முன் அவர் மறந்தாலும் என்று நினைவு படுத்துவதற்க்காக முன்னுக்கு இருக்கும் கம்பியூட்டரில் "நல்ல ஆரம்பம்" என விளம்பரம் ஒளிருகிறது. இப்படி மிஸ் பண்ணிடாமல் சரியாக சொல்ல அவருக்கு நினைவூட்டல் கூட கம்பியூட்டர் திரை உதவி செய்கின்றது.

முதலில் கேட்கும் கேள்விகள் மிக எளிதாய் உள்ளது. உதாரணமாக எட்டுக்கால் பூச்சிக்கு எத்தனை கால்?? என்று கேட்கும் கேள்விகளாக அவை அமைந்திருக்கும். ஆனால் யோசித்து பார்க்கையில், லட்ச கணக்காக கலந்து கொண்டோரில், இறுதி வரை தேர்வாகி ஹாட் சீட் வரும் நபர் ஓரிரு 
ஆயிரங்களோடு போனால் அவருக்கும் அசிங்கம்; பார்க்கும் நமக்கும் என்னவோ போல் இருக்கும் என்பதால் தான் இந்த "ஏற்பாடு(பம்மாத்து)" என தோன்றுகிறது! இத்தகைய எளிய கேள்விக்கே சிலர் குழம்பி விடுவது ஆச்சரியமாக உள்ளது.

ஒவ்வொரு பிரேக்கிலும் விளம்பரங்கள் மிக அதிகம் தான். பிரேக் வரும் போது ஐந்து நிமிடம் டி.வியை OFF செய்வதே வழக்கமாக்கி விட்டது (இதே நேரம் மற்ற சானல்களில் சீரியலை போட்டு எல்லோரையும் சொல்லுவார்கள்!) ஐந்து நிமிடம் கழித்து வந்தால் சரியா இருக்கு! 

சூர்யா நிச்சயம் இடது கை பழக்கம் உள்ளவர் இல்லை (கை எழுத்து வலக்கையில் தான் போடுகிறார்) ஆனால் பேசும் போது நிறைய இடக்கையை ஆட்டி ஆட்டி பேசுகிறார். இடது கை பழக்கம் உள்ளவர் தான் இப்படி கை ஆட்டி பேசுவார்கள். கஜினியில் பாத்திரத்துக்காக ரெண்டு கையிலும் வேலை செய்யும் பழக்கம் வந்ததால் இப்படி ஆகியிருக்கும் போல இல்லை என்றால் இதுக்கும் எங்கையிருந்தோ COPY பண்ணினதோ தெரியவில்லை!!!

சூர்யா சிரிப்பு மற்றும் அழகு பெண்களை இந்த நிகழ்ச்சி பார்க்க வைக்கின்றதாம்(???). ஆனால் உண்மையை சொல்ல வேண்டும் என்றால் இந்த நிகழ்ச்சிக்கு இவர் பொருத்தம் இல்லாதவர் என்றுதான் சொல்லவேண்டும்.

ஒரு போட்டியாளர் வெளியேறியதும், அமிதாப் போலவே வேகமாக நடந்து சென்று நடுவில் நின்று கொண்டு பேசுகிறார் சூர்யா. எல்லாம் அமிதாப்பை பார்த்து செய்யமுடியுமா?? நான் என்ன சொல்ல வாறேன் என்று உங்களுக்கு விளங்குகின்றது தானே??

இந்த நிகழ்ச்சி செய்வதால் என்ன பயன்:- நிகழ்ச்சியை பார்த்து அதில் உள்ள கேள்விகளுக்கு பதில் சொல்ல முயற்சிப்பதால் கொஞ்சமாவது அறிவு வளரும். ஏதோ இப்படி கொஞ்சம் பொது அறிவு வளர்ந்தால் சரிதான் !

சூர்யா அகரம் குறித்து நிகழ்ச்சியில் பேச வில்லை. ஆனால் Participants-ல் சிலர் அகரம் பற்றி குறிப்பிட்டனர். சூர்யா அகரம் குறித்த செய்தி நிறைய பேருக்கு சேர, அவ்வப்போதாவது பேசலாம் என தோன்றுகிறது. 

Facebook-ல் இந்த நிகழ்ச்சியை திட்டி நிறைய பேர் எழுதி கொண்டிருக்கின்றனர். எனக்கு என்னவோ தற்சமயம் பிடிக்கவே செய்கிறது. கூடிய விரைவில் எனக்கும் அலுக்கலாம். 

முதல் வாரம் ஹாட் சீட்டுக்கு வந்த நான்கு பெண்களில் அந்த அழகான இளம் பெண்ணிடம் மட்டும் சூர்யா சற்று வழியவே செய்தார். அவர் தந்த Flying-KISS ரீப்பீட்டு என சொல்லி மீண்டும்(மீண்டும் ) கேட்டு வாங்கினார். மொத்தம் மூணு தடவை மை லார்ட்! ஜோதிகா நிகழ்ச்சி பார்த்திருந்தா, வீட்டுக்கு வந்ததும் நிச்சயம் சூர்யாவை மொத்தி இருப்பாங்க. யாருக்கு தெரியும் அடி விழுந்ததோ என்னவோ தெரியவில்லை!!! அந்த பெண் ஜோவை விட அழகாகவே இருந்தார். (சூர்யாவுக்காக பெண்கள் வழிகின்றனர் என்ற நிலைமை போய் இப்ப சூர்யா வழிய தொடங்கி விடார். என்ன ஜோ வெறுத்து விட்டதோ??

ஹாட் சீட் வருவோர் பற்றி க்ளிப்பிங் காட்டுகிறார்கள். நிஜ கோடீஸ்வரனிலும் இப்படி க்ளிப்பிங் காட்டினார்களா என்ன? நினைவில்லை. சில க்ளிப்பிங் சற்று நெகிழ்வாக இருந்தது. இப்படி ஹாட் சீட் வருவோர் பற்றி, வெவ்வேறு மனிதர்கள்/அவர்கள் வாழ்க்கை குறித்து நாம் அறிய இது ஒரு வாய்ப்பு தான் ! 

ஆனால் விஜய் டி.வி இதை எதற்கு யூஸ் பண்ணுவார்கள் என தெரியும். அவர்களை ஒரே அழுகாச்சியா காட்டி எல்லாரையும் கர்சீப்பை தேட வைப்பார்கள். அடுத்த வாரம் கூட இத்தகைய அழுகை உள்ளதை இப்பவே கிளிப்பிங்கில் காட்ட ஆரம்பித்து விட்டார்கள். (அழும் போது ஸ்லோ மோஷன் உறுதி! இது விஜய் டிவி-டா! சீன் போட சொல்லியா தர வேண்டும்..?) நிஜ கோடீஸ்வரனில் "லாக் பண்ணிடலாமா?" என்பது மாதிரி இங்கு "பிக்ஸ் பண்ணிடலாமா?" என சூர்யா கேட்க, எல்லோரும் "பிக்ஸ் பண்ணிடுங்க" என்கின்றனர். 

மின்னல் விரல்கள் மூலம், ஹாட் சீட்டுக்கு தேர்வாகி விட்டார்கள் என்று சொன்னதும், எல்லாரையும் இரு கையை உயர்த்தி குதிக்கணும் என சொல்லி கொடுத்திருக்கிறார்கள் என்பது நன்கு தெரிகிறது. தேர்வாகும் ஒவ்வொருவரும் இப்படி செயற்கையாய் கையை உயர்த்தி குதிப்பது பார்க்கும் போதே தெரிகின்றது. கலந்து கொள்ளும் பலர் சூர்யாவிற்கு "சர்ப்ரைஸ் கிப்ட்" என்று சொல்லி தருகிறார்கள். ஹாட் சீட்டுக்கு வரும் எல்லோரும் கிப்ட் தரும் பழக்கும் துவங்கி விடும்! இனியும் சர்ப்ரைஸ் கிப்ட் என்று சொல்லாதீர்கள்! (கடுப்பாக்குறாங்க மை லோட்!!)

கிடைக்கும் பணம் குறித்து சில உண்மைகள்:- நிஜமாவே இவ்வளவு பணம் ஜெயித்தவர்களுக்கு எவ்வளவு பணம் கையில் கிடைக்கும் என தெரியலை. நிச்சயம் TDS(Tax Deducted at source) என சொல்லி ஒரு பகுதி (கிட்டதட்ட 20 %) பிடித்து விடுவார்கள் என்பது உறுதி! மீதமாவது அவர்களுக்கு கிடைத்தால் நன்றாய் இருக்கும்! அதையாவது குடுங்கையா!!! எப்படி சூர்யா செக்கில் கையெழுத்து போடுகிறார்? விஜய் டிவி,  சூர்யாவுக்கு செக்கில் கையெழுத்து போடும் அதிகாரம் தந்திருக்கும் என தோன்றவில்லை. நாம் பார்க்கும் செக் நிச்சயம் கொடுக்கப்படாது. அது டம்மி செக். TDS -ம் பிடித்து விட்டு, சரியான தொகை போட்டு, சரியான கையெழுத்துடன், பின்னர் தருவார்கள் என நினைக்கிறேன்.

சூர்யா ஆங்காங்கு சில நல்ல Quote சொல்கிறார். கடைசியாய் பேசும் போது "ஆரம்பத்தில் வந்த படங்களில் எனக்கு நடிக்க மட்டுமல்ல, ஒழுங்காய் டான்ஸ் ஆட, சண்டை போட, நடக்க கூட தெரியாது. அங்கிருந்து இவ்வளவு தூரம் வளர்ந்து, உங்கள் அன்பை எல்லாம் பெற்று இந்த இடத்துக்கு வந்திருக்கேன் என்றால் அதுக்கு காரணம் உழைப்பு தான். நீங்களும் உழையுங்கள். இது அறிவுரை அல்ல. அனுபவம்" என்றார். இது உண்மை ஆனால் சூர்யாவை தாங்கிப்பிடிக்க தூக்கி வைக்க அவர் அப்பா இருந்தார் ஆனால் யாருமே இல்லாமல் தனி மரமாக வளர்ந்து நிற்பவரும் இருக்கின்றார். அவர் பெயரை சொல்லித்தான் அவர் யார் என்று சொல்ல வேண்டுமா??

சில சில குறைகள் இருந்தாலும், நிகழ்ச்சி இப்போதைக்கு ஓகே. விரைவில் அலுக்க ஆரம்பிக்கலாம்! வார இறுதியில் Viwers-ஐ, தங்கள் கிரியேட்டிவ் நிகழ்ச்சிகளால் தன் வசம் வைத்திருந்த விஜய் இப்போது வார நாட்களிலும் தூள் கிளப்புகின்றது. சன் டி.விக்கு கிலியை கிளப்பி விட்டிருக்கும் என்பது மட்டும் நிச்சயம். இதற்கு போட்டி நிகழ்ச்சி SUN T.Vயில் இருந்து விரைவில் எதிர் பார்க்கலாம்!

அப்புறமாய் தெலுங்கில் மகேஷ்பாபு நடிச்சு வெற்றிகரமாய் ஓடிய "பிஸ்னஸ் மன்" திரைப்பட உரிமையை முந்தியடிச்சுக்கொண்டு சூர்யா தரப்பு வாங்கிவிட்டது, சரி அப்படி வாங்கினாலும் அதை சூர்யாவோ,கார்த்தியோ நடிக்கப்போவதாக தெரியவில்லை.. சூர்யா பொதுவாக தெலுங்கு காரமசாலா பார்முலாவை விரும்பமாட்டார்.. சரி கார்த்தியை பார்த்தால் தற்போது "அலெக்ஸ் பாண்டியன்" இல் நடிக்கிறார்.. இதுமுடிய ராஜேசுடன் "ஆல் இன் அழகுராஜா" வில் நடிக்கவுள்ளார்.. அதன் பிறகு வெங்கட்பிரபுவுடன் "புரியாணி" படத்துடன் இணையவுள்ளார்... அப்படி என்றால் ஏன் "Business man" இன் உரிமையை முந்தியடிச்சுக்கொண்டு வாங்கினார்கள்? விஜய் வாங்கக்கூடாது என்ற காரணத்துக்காகவா?.. ஏனென்றால் பொதுவா மகேஷ்பாபுவின் ஹிட் படங்களை விஜய்தான் தமிழ் ரீமேக் பண்ணி தமிழில் நடிப்பார்... அதை தடுப்பதற்க்காக செய்தார் போல இருக்கின்றது.!!

சூர்யாவின் ஆரம்ப கால சினிமா வாழ்க்கையை தொடக்கி வைத்தது விஜய் கடைசியில் விஜய்க்கே ஆப்பு அடித்துவிடார். விஜய் கொடுத்த தொடர் பிளாப்க்களும் அந்த காலகட்டத்தில் சூர்யாவுக்கு அமைந்த சூப்பர் ஹிட் படங்களும் தான் அவரின் வாழ்க்கையையே மாற்றிப்போட்டது. சொல்லப்போனால் சூர்யாவின் ரசிகர்களில் அரைவாசி பேர் விஜய்யின் தோல்விகளில் விஜய்யிடம் இருந்து விடுதலை பெற்று வந்த ரசிகர்களாகத்தான் இருக்கின்றார்கள். இப்படி எல்லா விடையத்திலும் உதவி செய்த விஜய்யை இவ்வாறு செய்வது நியாயமா???

இடைப்பட்ட காலத்தில் அஜித் வேண்டாம் என்று சொன்ன படங்களை நடித்து தனது திறமையால் முன்னேறினார். ஆனால் அவருக்கு அனுபவம் போதாது என்றுதான் நினைக்க தோன்றுகின்றது. அண்மையில் ஷங்கரின் இயக்கத்தில் விக்ரம் நடிக்கும் "ஐ" படத்தில் தான் நடிப்பதாக கூட கேட்டிருக்கின்றார். இது எல்லாம் நல்லாவா இருக்கின்றது. மூவாயிரம் தடவை மகாபாரதத்தை, இராமாயணத்தை வாசித்த சூர்யாவின் அப்பா சிவகுமார் கூட இது எல்லாவற்றையும் கண்டும் காணாததுபோல நடந்து கொள்வது வருந்தவேண்டிய ஒரு விடயம் ஆகும். அஜித், விஜய் இருவருக்கும் இடையில் ஐக்கியமான போட்டி இருக்கின்றது ஆனால் ஒரு போதும் ஒருவர் படத்தை ஒருவர் தட்டிப்பறிப்பது இல்லை. ரஜினி, கமலுக்கு போட்டி இருந்தது ஆனால் பொறாமை இருந்தது இல்லை. ஆனால் சூர்யா செய்வது விஜய்யை வம்புக்கு இழுப்பதை போல இருக்கின்றது. 

ஒரு சக நடிகனை நடிகனே மதிக்கா விட்டால் எவ்வாறு ரசிகர்கள் மதிப்பார்கள்.?? மிகவும் கஷ்டப்பட்டும் கடின உழைப்பால் முன்னுக்கு வந்தவர் தான் சூர்யா..ஆனால் இப்போது அவர் செய்வதை பார்த்தால் "யானை தன் தலையில் தானே மண்ணை அள்ளிப்போடுவதைப்போல" இருக்கின்றது. இவற்றை எல்லாம் நிறுத்தி விட்டு முன்னணி நடிகருக்கு இருக்க வேண்டிய சக பண்புகளையும் மரியாதைகளையும் வளர்த்துகொண்டால் நல்லது. இல்லையேல் இது மேலும் தொடருமானால் சூர்யாவின் சினிமா வாழ்க்கை..முற்றுப்பெருவது நிட்சயம்..!!!

வேண்டாம் விட்டுடுங்க..என்று சொன்னால் கேட்கவா போறீங்க.. நடத்துங்க...

நீங்க நடுத்தெருவில நிற்கும்போது.. அதுக்கும் ஒரு பதிப்பு எழுதுவம்.. :P

Post Comment