Monday, November 11, 2013

அஜித், விஜயை தொடர்ந்து கார்த்தியை தாக்கும் மீடியாக்கள்!!!

இதனால தான் நான் எதுகுமே பேசுவதில்லை!!!

இன்று தமிழ் சினிமாவே தூக்கி கொண்டாடும் ஒருகால ’அல்டிமேட் ஸ்டார்’ இப்போதைய ‘தல’ அஜித்குமார் மற்றும் இளைய தளபதி விஜய் இந்த இரண்டு துருவங்களை பின்னியே இன்றைய தமிழ் சினிமா தனது வெகுவான வருவாயை சம்பாதித்து வருகின்றது. ஆனால் ஒரு காலம் இவ்விருவரும் பத்திரிகையாளர்களால் காய்ச்சி கழுவி ஊத்தப்பட்டதை யாராலும் மறந்திருக்க முடியாது! வெளிப்படையான பேச்சின் மூலம் அஜித் பேசுவதை பத்திரிகைகள் விற்றுப்போக வேண்டும் என்று அங்க கொஞ்சம் இங்க கொஞ்சம் என்று உரு மாற்றிஅஜித்தை சிக்கலில் மாட்ட வைத்தனர். ஒரு காலம் இவர் வெளிப்படையாக பேசுவதனால் இவரை கேலி, கிண்டல் செய்த அதே திரையுலகம் தான் இப்போது அதே வெளிப்படையான பேச்சுக்காக அஜித்தை புகழ்ந்து தள்ளுகின்றது. இந்த புகழுக்கு ஏதோ ஒரு காரணமாக பத்திரிகையும் தொலைக்காட்சிகளும் இருக்கத்தான் செய்கின்றன. அதனால் தான் அஜித் ஒரு குறிப்பிட்ட காலத்துக்கு பின்பு பேட்டி கொடுப்பதை விட்டுவிட்டார் போலும்! அஜித்தை பார்க்க வேண்டுமானால் திரையரங்கிற்கு சென்றால் மட்டுமே பார்க்க முடியும் என்ற நிலமையை உருவாக்கினார். இப்போது அஜித்தை தங்கள் தொலைக்காட்சியில் காட்டினால் தங்கள் தொலைக்காட்சியின் டீ.ஆர்.பி எகிறும் என்றும் அஜித் பற்றிய செய்திகளை அதிகம் பகிர்ந்தால் தங்கள் பத்திரிகைகள் அதிகம் விற்கப்படும் என்று அஜித் பற்றிய செய்திகளுக்காக அலைகின்றது சுயநலம் கொண்ட மானம் கெட்ட மீடியாக்கள். பத்திரிகைகளும் தொலைக்காட்சிகளும் அஜித்தை படாது பாடுபடுத்தும் போது சிக்கலே இல்லாமல் முதலிடம் காணும் சந்தோஷத்தில் இருந்தார் இளைய தளபதி! ஆனால் ஈற்றில் அவரையும் விட்டு வைக்கவில்லை!!!

Post Comment